Hami Nepali

यहि कार्तिक २४ गते बसन्तपुर बाट बालुवाटार सम्म दिउँस १ देखि ४ हाम्रो सरकारलाई बृहत दबाब दिन हामी नेपाली ले नै र्याली गर्दैछौँ। 

हामी नेपाली, नेपालको जुन भूगोलमा भए पनि सधैँ एक थियौं र एक नै छौँ। एउटै आमाका सन्तान हामी, घर मात्रै बेग्ला-बेग्लै छ, हाम्रो रगत एउटै हो। 

२ महिना देखि देशको एउटा भूगोल ठप्प छ भने एक महिना देखि त्यहि देशको अर्को भूगोल अस्त-व्यस्त छ। एउटा भूगोलमा स्कुल बन्द, ,बजार बन्द, कारखाना बन्द, हजारौं जनता दिन- दिनै सडकमा भने अर्कोमा स्कुल बन्द, कारखाना बन्द, हजारौं जनता पेट्रोल, डिजेल- ग्याँसको लाइनमा छन्। 

मिहेनतको काम गरि खान्छौं, हामीलाई गरि खाने वातावरण देउ सरकार । घरमा खाना पकाउने ग्याँस छैन, तेल पनि बजारमा छैन। दैनिकी चल्न धौ-धौ भैसक्यो सरकार। खालि पेट राष्ट्रियता झल्कदैन। 

सरकार तिमि तराई जाउ, हाम्रो दाजु-भाइ दिदि बहिनीलाई माया र सम्मानले सम्बोधन गर। तराईका जनताले मागेका माग हरु जायज भाको- नभाको प्रस्ट पारि देशको एउटा भू भागमा भै रहेको अस्त-व्यस्त वातावरण चाडैं रोक्न सकारात्मक र दिर्घकालिन पहल गर। हाम्रो वर्षौको मिहेनत पछि बनेको यो जनताको संबिधान लागु गरि हामीलाई सम्बृद्धि तर्फ लग। 

अर्थतन्त्र डामा -डोल भैसक्यो! तराई-पहाड-हिमाल, जहाँ भए पनि काम नगरी खान पाइंदैन !! त्यसैले मिहेनतको काम गरि खान्छौं, हामीलाई गरि खाने वातावरण देउ सरकार !

आफ्नो सरकारलाई आफैले झक-झकाउन यो हाम्रो सुरुवात। 

मिहेनतको काम गरि खान्छौं, हामीलाई गरि खाने वातावरण देउ सरकार !

यहि कार्तिक २४ गते बसन्तपुर बाट बालुवाटार सम्म दिउँस १ देखि ४ हाम्रो सरकारलाई बृहत दबाब दिन हामी नेपाली ले नै र्याली गर्दैछौँ।